«Ювентус» ҳужумчиси Федерико Бернардески жамоада қолишни истамоқда, деб хабар беради «Caolciomercato.com»
Манбанинг хабарига кўра, футболчи чет эл клубларининг бир нечта таклифларини рад этган. У Массимилиано Аллегри қўл остида «Юве»даги фаолиятини қайта бошламоқчи. Тез орада «кекса синьора» Бернардескининг келажаги борасида футболчининг агенти Мино Райола билан музокара олиб боради.
27 ёшли футболчи ўтган мавсумда "Ювентус" таркибида барча мусобақаларда 39 учрашув ўтказган ва учта голли узатмани амалга оширган. Италия терма жамоаси таркибида Бернардески Евро-2020 ғолибига айланди.
