Мюнхеннинг «Бавария» клуби Голландия чемпионатининг икки футболчисини нишонга олган.

Sky Sports хабарига кўра, гап «Аякс» яримҳимоячиси Антони ва «ПСВ» яримҳимоячиси Коди Гакпо ҳақида кетмоқда.

Қайд этилишича, «Аякс» 21 ёшли бразилиялик учун 32 миллион евро талаб қилмоқда. «ПСВ» 22 ёшли голландиялик футболчининг сотилишидан 25-30 миллион евро ишлаб олмоқчи. Гакпо масаласида «Бавария» трансфернинг барча шартларидан норози.

Ўтган мавсумда Гакпо 29 ўйин ўтказиб, 11 гол урган ва 4 голга узатма берган. Антони ҳисобида 46 учрашувда 10 та гол ва 9 та голли пас бор.