«Ювентус» ҳужумчиси Криштиану Роналду бугун Туринга етиб келади.
Эртага 36 ёшли ҳужумчи таътилдан кейин «Юве» билан биринчи машғулотни ўтказади. Тез орада португалияликлар жамоанинг янги бош мураббийи, 2018-2019 йилларда «Ювентус»да Роналду билан ишлаган Массимилиано Аллегри билан суҳбатлашади. Мураббий Роналду билан унинг майдондаги ҳолати ва жамоадаги ўрни ҳақида гаплашиб олиши кутилмоқда.
Кеча «Ювентус» вице-президенти Павел Недвед Роналду клубда қолишини эълон қилди, бироқ "La Gazetta della Sport" нашри, агар Турин клуби яқин бир ой ичида хориж жамоаларидан португалиялик учун яхши таклиф олса, вазият ўзгариши мумкин деб ёзмоқда. Шу билан бирга таъкидланишича, бундай вариант эҳтимолдан йироқ, чунки дунёда Роналдуга «Ювентус» каби маошни таклиф қиладиган клублар сони жуда кам.
Эслатиб ўтамиз, 36 ёшли форвард "кеса сеньора" сафида йилига 31 миллион евро ишлаб топади.
