Испания Оммавий Ахборот Воситалари тарқатган хабарларга кўра «Реал»да ҳеч ким мавсум якунлангач бош мураббий Жозе Моуриньо клубни тарк этишига ишонмаяпти. 

Таъкидлаш жоизки унинг кетиши ҳақидаги гаплар учун бир неча асослар мавжуд. Португалиялик мутахассис яқинда Англия паремьер-лигасига қайтиш нияти бор эканлигини айтиб ўтганди. Ундан ташқари Испания Кубогининг чорак финалида бўблиб ўтган «Барселона»га қарши биринчи ўйиндан сўнг жамоанинг бир неча футболчилари ва Жозе ўртасида тушунмовчиликлар юзага келганди.

Шундай бўлишига қарамай, футболчилар ҳамда клуб раҳбарияти Жозенинг кетмаслигига ишонади. Уларнинг ишончларига эса мураббийнинг футболчилар билан биргаликда кейинги мавсумга тайёргарлик реъжаларини ишлаб чиқишни бошлаб юборганлигига асос бўлиб хизмат қилмоқда. Ушбу тайёргарлик реъжасига кўра, Европа чемпионатида иштирок этмайдиган барча футболчилар таътилдан 16 июльда қайтишлари лозим. Қолган футболчилар эса термаларининг Евродаги иштироки қанчалик чўзилишига қараб клубга қайтишади.