Машхур Голландиялик форвард Рууд ван Нистелрой Капеллонинг Англия терма жамоасини тарк этгани ҳақида ўз фикрларини билдириб ўтди. «МЮ»нинг собиқ юлдузининг фикрича, мураббий истеъфоси терма жамоага салбий таъсир ўтказса-да, Англияни Евро-2012 фаворитлари қаторидан чиқариш учун сабаб бўла олмайди.

«Бу воқеа ҳақида эшитганимда, аваллига, шунчаки миш-миш бўлса керак деб ўйлаган эдим. Лекин кейинроқ ҳаммаси расман эълон қилинди. Мен инглиз футболи нима эканини яхши биламан. Ҳозир у ерда ҳаяжон ва шошма-шошарликлар кўпаяди. Чунки Еврогача бор-йўғи 3 ой вақт қолди, холос. Темада эса мураббий йўқ». 

«Бу — катта муаммо. Энди жамоага янги ғоялари ва хатто, янги футболчилари билан янги мураббий келади. Нима бўлган тақдирда ҳам, Англияни Евро фаворитлари сафидан чиқариб қўйиш ярамайди.  Чунки бу терма жамоа юқори сайияга эга», дея футболчи сўзларидан Goal.com интернет-нашри иқтибос келтирмоқда.