«Барселона» клуби ҳужумчиси Гризманн учун ҳали ҳеч қандай таклиф бўлмагани айтилмоқда. «Marca» нашри хабарига кўра, «Барса» 30 ёшли ҳужумчи трансфери масаласида АПЛ грандларига мурожаат қилган, бироқ бу борада ҳеч қандай таклиф олмаган. Клуб янги мавсум олдидан молиявий ҳаражатларни қисқартириш учун айрим футболчиларга жавоб бермоқчи.
Гризманн ўз фаолиятини МЛСда якунлашини исташини маълум қилган. Маълумот учун, француз 2019 йилда 102 миллион фунт эвазига Каталонияга олиб келинган эди. Унинг шартномаси 2024 йилнинг ёзигача амал қилади.