"Чесли" бош мураббийи Андре Виллаш-Боаш кеча фавқулодда матбуот анжумани ўтказишга қарор қилган. Португалиялик мутахассис жамоа сардори Жон Терри билан боғлиқ машмашаларга чек қўйиш мақсадида футболчига дам олишга рухсат берганлигини таъкидлаб ўтди "Челси" сардори "Эвертон" га қарши баҳсни ўтказиб юборишидан хабарингиз бор.

"Жонга бироз муддат дам олишига рухсат бердим. Қолаверса унинг тиззасидан олган кичик жароҳати ҳам бор. Терма жамоадаги мухит борасида ҳам унга қўлдан келганча ёрдам беришга тайёрмиз. Жамоамиздаги барча футболчилар Террини қўллаб-қувватламоқда. Жон "Бирмингем"га қарши бўладиган ўйингача сафимизга қайтади. Ҳозирча эса у дам олаяпти. Унинг ҳозир қаерда эканлигини мен ҳатто билмайман ҳам",- дейди Виллаш-Боаш.

Шунингдек португалиялик мураббий журналистларнинг бошқа бир қатор бошқа саволларига ҳам жавоб бериб ўтди. Жумладан мураббий ва жамоа ҳўжайини Роман Абрамович ўртасидаги вазиятга ойдинлик киритишни истаган журналистларнинг ҳам саволларига жавоб берди.

"Ҳа, жаноб Абрамович клубимиз базасига ташриф буюрди. У билан суҳбатимиз жуда қисқа ва лўнда бўлди. Абрамович жамоанинг ҳозирги ҳолатидан мамнун эканлигини айтди ва бизга омад тилади. Сизлар ўйлаганчалик орамизда ҳеч қандай зиддият ёки тушунмовчилик йўқ. Биз ўзимиз иштирок этаётган учта турнирда яхши иштирок этаяпмиз. Фақатгина чемпионат беллашувларида етакчилар билан орадаги фарқни қисқартиришимиз керак. У нафақат базамизга келган пайтда суҳбатлашдик. Биз Абрамович билан деярли ҳар куни суҳбатлашамиз, ҳар куни мулоқотдамиз. Сизлар таъкидлаётгандек орамизда ҳеч қандай муаммо ва тўсиқ йўқ. Абрамовичнинг клубимиз базасига келганлиги яхши бўлди. Юзма-юз суҳбатлашиш орқали кўп масалаларни ҳал қилиб олишимиз мумкин", дея Виллаш-Боашнинг интервюсидан парча келтирмоқда SKY NEWS.