"Пахтакор" ёшлари "Копа Карневале" мусобақасининг 3-турида ниҳоят ғалаба қозонишди. Тачмурод Агамуродов ва Нўъмон Ҳасанов шогирдлари бугун Венгриянинг "Хонвед" жамоаси устидан 1:0 ҳисобида ғалаба қозонишди. Фаррух Шотурсунов ягона голни пенальтидан киритди.
Аммо бу ғалаба пахтакорчиларга гуруҳда 1-ўринни олиш учун етарли бўлмади. Худди вакилларимиз сингари 5 очко жамғарган "Эмполи" жамоаси тўплар нисбатига кўра гуруҳда биринчи бўлишди.
Виарежжо шаҳрида бўлиб ўтаётган мусобақада 48та жамоа 12та гуруҳга бўлинган ҳолда кураш олиб боришмоқда. Нимчорак финалга фақат гуруҳ ғолиблари ва 2-ўринни эгаллаган жамоалардан энг яхши кўрсаткичга эга бўлган 4а жамоа йўл олишади. Ўша тўрт жамоа орасига кириш эса "Пахтакор"га насиб қилмайдиган бўлди.
Бугун 6та гуруҳда 3-тур ўйинлари якунланди. Унга кўра, 3та гуруҳда 2-ўринни эгаллаган жамоалар 6 ва 7 очко жамғаришган. Ўйинлари эртага бўлиб ўтадиган гуруҳлар орасида ҳам битта гуруҳда 2та жамоа аллақачон 6 очко жамғариб бўлишган. Шунинг учун "Пахтакор" бирорта ҳам мағлубиятга учрамай, ортга қайтадиган бўлишди.
5-гуруҳ
Эмполи - Хонвед - 3:0
Пахтакор - Арзанесе 3:3
Эмполи - Пахтакор 0:0
Хонвед - Арзанесе 2:2
Эмполи - Арзанесе 0:0
Хонвед - Пахтакор 0:1
|
Жамоалар |
Ў |
Ю |
Д |
М |
Т-Н |
О |
|
1. Эмполи |
3 |
1 |
2 |
0 |
3-0 |
5 |
|
2. Пахтакор |
3 |
1 |
2 |
0 |
4-3 |
5 |
|
3. Арзанесе |
3 |
0 |
3 |
0 |
5-5 |
3 |
|
4. Хонвед |
3 |
0 |
1 |
2 |
2-6 |
1 |
