Саудия Арабистонида валиаҳд шаҳзода кубоги финали бўлиб ўтди.
Ар-Риёз шаҳридаги Қирол Фаҳд халқаро стадионида уюштирилган финал учрашувида шу стадионда тўп сурувчи мезбон «Ал-Ҳилол» Даммамнинг «Ал-Иттифоқ» клубини қабул қилди ва кичик фарқ билан ғалаба қозонди.
Учрашувнинг 9-дақиқасиданоқ «Ал-Ҳилол»дан Қатарнинг «Ал-Аҳлий» жамоасига ижарага берилиб, Шавкат Муллажонов билан бир муддат тўп суриб, яна Саудияга қайтган швейциялик легионер Кристан Вилҳелмссон ҳисобни очган бўлса, 21-дақиқага келиб яна Султон ал-Башийнинг самарали узатмасидан энди Навоф ал-Обид ҳисобни 2:0 га етказди.
Даммамликлар биринчи бўлимнинг ўидаёқ жавоб тўпини киритишди: 35-дақиқада Яҳё аш-Шаҳрий ҳисобнинг 2:1 бўлишини таъминлади, бироқ ўйин охиригача дарвозаларга бошқа гол киритилмади.
Фақат «Қироллик клуби»нинг жанубий кореялик легионери Ю Бюнг-Су 88-дақиқада қизил карточка олганини таъкидлаб ўтиш жоиз.
