Дунёнинг биринчи рақамли ракеткаси Новак Жокович Олимпиада чорак финалида Кеи Нисикорини мағлубиятга учратди (6:2, 6:0).
Ушбу теннисчиларнинг ўзаро учрашувлардаги натижаси - 17:2 кўринишида бўлиб, сербнинг яққол устунлигини таъминлайди.
Жокович уч маротаба Олимпиаданинг яккалик баҳсларидаги ярим финалига чиққан биринчи ўйинчи сифатида тарихга кирди.
Маълумот учун, Пекин-2008 да у бронза медали соҳиби бўлган бўлса, Лондон-2012да медаль олмаган.
Шунингдек Новак Олимпиадада ютилган ўйинлар сони бўйича Рожер Федерерни ортда қолдирди. Энди унинг ҳисобида 13 ғалаба мавжуд.
Маълумот учун, Жокович ярим финалда Александр Зверев ҳамда Жереми Шарди жуфтлиги ғолиби билан жанг қилади.
