Dunyoning birinchi raqamli raketkasi Novak Jokovich Olimpiada chorak finalida Kei Nisikorini mag‘lubiyatga uchratdi (6:2, 6:0).
Ushbu tennischilarning o‘zaro uchrashuvlardagi natijasi - 17:2 ko‘rinishida bo‘lib, serbning yaqqol ustunligini ta’minlaydi.
Jokovich uch marotaba Olimpiadaning yakkalik bahslaridagi yarim finaliga chiqqan birinchi o‘yinchi sifatida tarixga kirdi.
Ma’lumot uchun, Pekin-2008 da u bronza medali sohibi bo‘lgan bo‘lsa, London-2012da medal olmagan.
Shuningdek Novak Olimpiadada yutilgan o‘yinlar soni bo‘yicha Rojer Federerni ortda qoldirdi. Endi uning hisobida 13 g‘alaba mavjud.
Ma’lumot uchun, Jokovich yarim finalda Aleksandr Zverev hamda Jeremi Shardi juftligi g‘olibi bilan jang qiladi.
