«Астон Вилла» клуби тез орада «Вест Бромвич Албион» клубидан Тим Ирогбунамни сотиб олганини эълон қилади. Бу ҳақда «Football Insider» нашри хабар қилмоқда. Унга кўра, Бирмингем шаҳри клуби 18 ёшли яримҳимоячи билан аллақачон шахсий шартлар бўйича келишиб олган.
«Вилла»даги манбалар нашрга маълум қилишича, битим 4 йилга имзоланади. Трансфер нархи очиқланмаган бўлса ҳам, у олти хонадан иборат сон экани айтилган. Манбада, шунингдек Ирогбунам яқин йиллардаги Бирлашган Қиролликдаги энг ёш футболчи бўлиши таъкидланган.
