«Ювентус» ҳимоячиси Мартин Касереснинг айтишича, ҳозирги «Кекса синьора» бундан икки йил аввалгисидан кўра сезиларли кучлироқ. Бу ҳақда «Tuttosport.com» интернет-нашри хабар бермоқда.
Шу йил қишда ижара асосида «Севилья»дан келган уругвайлик ҳимоячи 2009/10 йилги мавсумда ҳам Турин клубида тўп суришга улгурган. Чоршанба куни бўлиб ўтган «Милан»га қарши Италия Кубоги яримфинал дастлабки учрашувида (2:1) футболчи иккита гол уришга муваффақ бўлди.
«Келажак — «Ювентус»ники. Мен бу ерга ғалаба қозониш учун қайтиб келдим», деди уругвайлик футболчи.
«Ювентус»нинг мақсадлари ҳар доим юқори бўлган. Аммо ҳозирги жамоа бундан икки йил аввалгисига нисбатан сезиларли ўзгарган», дея қўшимча қилди ҳимоячи Мартин Касерес.













