«Реал» Мадриднинг норвегиялик яримҳимоячиси Мартин Эдегорнинг «қироллик клуби»даги келажаги номаълумлигича қолмоқда.
MadridistaReal хабарига кўра, Эдегор ҳали келажаги борасида якуний қарорга келмаган. Айни пайтда у ҳозирги вазият ҳақида ўйламоқда.
Манбага кўра, «қаймоқранглилар» яримҳимоячи билан хайрлашмоқчи эмас, лекин агар у кетишга қарор қилса, «Реал» уни сотишга ҳаракат қилиб кўради.
Лондоннинг «Арсенал» клуби эса ўртадаги вазиятни кузатмоқда.