"Реал Мадрид" ярим ҳимоячиси Мартин Эдегор фаолиятини Англия чемпионатида давом эттириши мумкин, деб хабар беради "Fichajes" нашри. Футболчига "Арсенал" ва "Челси" қизиқиш билдирмоқда.
Мартиннинг ўзи клубни ўзгартиришдан манфаатдор, чунки у "қаймоқранглилар"нинг асосий ўйинчиси бўлишига ишончи комил эмас. Инглиз жамоалари бу вазиятдан фойдаланиб, унга шартнома таклиф қилмоқчи.
Эслатиб ўтамиз, Эдегор ўтган мавсумнинг иккинчи қисмини "Арсенал"да ўтказди. Лондон клуби таркибида у барча турнирларда 20 та ўйинда майдонга тушиб, 2 та гол урди ва 2 та голли узатмани амалга оширди.
