«Пари Сен-Жермен» бош мураббийи Карло Анчелотти «Челси»дан кетиши сабаблари ва «ПСЖ»да иш бошлаши ҳақида сўзлаб берди. Бу ҳақда Англиянинг «The Telegraph» нашри хабар бермоқда.

«Мен «Челси»дан кетишим ҳақида Абрамович билан гаплашмаганман. Бунинг ҳеч қандай ўзига хос жойи йўқ: ҳаётда баъзан шунақаси ҳам бўлиб туради ва бизни шундай истеъфога ҳам чиқаришади», деди италиялик мутахассис.

«У ўз қарорини қабул қилди. Буни муҳокама қилишдан маъно йўқ. Бўлар иш бўлди. Бироқ мен Англияда ишлаш имконини бергани учун «Челси»га миннатдорчилик билдираман», деди Анчелотти.

«Мен Англияда қолиб, бошқа бир клубда ишлашни хоҳлагандим. Аммо декабрь ойида менга «ПСЖ»дек нуфузли бирорта ҳам жамоа таклиф билан чиқмади», деди парижликлар устози.

«Кўпчилик мени бу ерга пулни деб келган деб ўйлайди. Бироқ аслида ҳаммаси бундай: бу ердаги шартнома бўйича маошим «Челси»дагиси билан бир хил. Бир фунт ҳам ортиқ жойи йўқ», дея қўшимча қилди «ПСЖ» бош мураббийи Карло Анчелотти.