«Челси» клубининг ёшлар жамоаси аъзоси Тино Ливременто «Сaутгемптон» билан 5 йиллик шартномага имзо чекди. 18 ёшли ҳужумчи «Челси»да йил ўйинчиси мақомига сазовор бўлган.

Трансфер ҳақида «Сaутгемптон» мураббийи Ралф Ҳазенхютел шундай дейди: «У майдондаги энг яхши ўйинчилардан бири ва кўплаб клублар у билан шартнома имзолашни истаган эди. Бироқ у бизни танлади. Ўйлайманки, у жуда ҳам тўғри қарор қабул қилди ва келажаги учун яхши қадам ташлади. Умид қиламанки, Тино клубимизда ўзининг бор потенциалини кўрсата олади».