«Милан»нинг швециялик ҳужумчиси Златан Ибраҳимович жароҳатидан фориғ бўлиб яқин орада сафга қайтади, дея хабар беради La Gazetta dello Sport.

Манбага кўра, ҳужумчи келаси ҳафта бошидан жамоанинг қолган аъзолари билан машғулотларни давом эттиради.

Эслатиб ўтамиз, 39 ёшли швед охирги марта 9 май куни А Сериянинг «Ювентус»га қарши баҳсида «россонерилар» таркибида иштирок этган эди. Июнь ойида у артроскопик жарроҳлик амалиётини ўтказди.

Маълумот учун, ўтган мавсумда Ибраҳимович «Милан» сафида 27 та ўйинда майдонга тушиб, 17 та гол ва 3 та голли узатмани амалга оширган.