Испания ва «Барселона» яримҳимоячиси Педри кичик бир рекорд натижага яқин турибди.
18 ёшли хавбек Япония билан Олимпиада яримфинал учрашувида 83 дақиқа ўйнади (1:0). Педри учун бу ўйин мавсумнинг 72-учрашуви сифатида қайд этилди, у бу билан Португалия терма жамоаси ва «Манчестер Юнайтед» яримҳимоячиси Бруно Фернандешнинг натижасини такрорлади.
Агар Педри Бразилияга қарши финалда ҳам майдонга тушса, у бу кўрсаткич бўйича мутлақ етакчига айланади.