«Манчестер Сити» футболчиси Эмерик Ляпорт клубига бу ёзда Испанияга қайтишни истаётганини айтди. Ҳимоячига «Барселона» ҳамда «Реал» қизиқиш билдирган.
Футболчи сўнгги пайтларда жамоадаги ўрнини Стоунз ва Рубен Диашга бой бериб қўймоқда. «Реал» Рамос ва Варан ўрнига муносиб номзод қидирмоқда ва Ляпорт ҳаракатларини жиддий кузатган.
«Барселона» эса трансферлар якунига қадар Ленгле ва Умтити ўрнига футболчи топиш бўйича ишлар олиб бормоқда. Аввалроқ Ляпортнинг собиқ жамоадоши Эрик Гарциа янги мавсумда «Барса»га кўчиб ўтгани маълум қилинган эди.
