«Ливерпуль» Испаниянинг «Реал Бетис» клуби аъзоси Гвидо Родригез учун иккита футболчисини таклиф қилди. «La Razon» хабарига кўра, «мерсасайдликлар» 27 ёшли футболчига кучли қизиқиш билан қарамоқда.
«Бетис» клуби мураббийи Мануэл Пеллигрини эса футболчини сотишга қарши чиққан. Испан клуби футболчиси нархини 50 миллион еврога баҳолаган. «Ливерпуль» эса ушбу қийматни камайтириш учун Дивок Ориги ёки Жоэл Матипни шартномага киритиш ғоясини таклиф қилмоқда. Шунингдек, Родригез трансферига «Арсенал» ҳам қизиқиш билдирган.