Bild нашри хабарига кўра, Мюнхен "Бавария" клуби ва Йозуа Киммих ўртасида янги шартнома борасида музокаралар олиб борилмоқда. Шартнома 2026 йилгача ҳисобланиши мумкин.
Шу билан бирга, 26 ёшли ярим ҳимоячининг маоши ҳужумчи Роберт Левандовскининг
маошидан кейин иккинчи ўринда бўлади. Унинг бир ойтда оладиган пули дарвозабон Мануэль Нойер ва ярим ҳимоячи Томас Мюллерники даражасида бўлади.
Амалдаги шартномага кўра, Киммих тахминан 10 миллион евро олади ва унинг янги маоши деярли икки баробарга ошади.
Маълум бўлишича, келаси душанба, 9 августда томонлар музокараларнинг навбатдаги босқичини ўтказади, шундан сўнг шартнома имзоланади.
