Бугун Токио олимпиадасида аёллар ўртасида замонавий бешкурашнинг илк йўналиши ҳисобланган қиличбозлик спорт турида баҳслар ўтказилди. Унда 36 спортчи бир-бири билан қисқа муддатли жанг ўтказишди.

Жанг учун бир дақиқа ажратилади ва унда биринчи бўлиб шпагасини рақибга текказган спортчи ғолиб чиққан ҳисобланади. Ажратилган вақт давомида қиличбозлар очкони қўлга киритмаса, ҳар иккисига мағлубият ёзилади. Ғалаба учун эса 6 балл берилади.

Бугунги баҳсларда иштирок этган  Алисе Фахрутдинова 35та баҳснинг 16тасида ғалаба қозонган бўлса, 19тасида мағлуб бўлди. Оқибатда у 196 балл жамғарди ҳамда 22-ўринга жойлашди.

274 очко жамғарган германиялик Анника Шлеу якка пешқадам бўлиб олди.

Энди спортчилар эртага қолган 4та йўналиш — сузиш (200 метрга эркин услубда), от йўрттириш (конкур), югуриш ва ўқ отиш машқларини бажариб, керакли очколарини жамғаришади. Кун эякунида эса совриндорлар номи аниқ бўлади.