"Интер"нинг бельгиялик футболчиси Ромелу Лукаку янги мавсумда бошқа жамоада ўйнаши мумкин. Катта эҳтимол билан Лукаку "Челси"га ўтади. Италия клуби футболчининг ўрнига ҳужумчи сотиб олиш имкониятини ўрганмоқда

La Gazzetta dello Sport хабарига кўра, номзодлардан бири Душан Влаҳович ("Фиорентина") бўлиб, "Интер" ушбу футболчи учун камида 60 миллион евро тўлаши керак бўлади.

Шунингдек, Дуван Сапата ("Аталанта"), Сердар Азмун ("Зенит"), Лука Йович ("Реал"), Жанлука Скамакка ва Жакомо Распадори (иккаласи ҳам "Сассуоло") каби ҳужумчилар номлари қайд этилган.

Қайд этилишича, "Лацио" ярим ҳимоячиси Хоакин Корреага ҳам қизиқиш бор, айниқса у "Интер" нинг янги бош мураббийи Симоне Инзаги билан муваффақиятли ишлаган, лекин уни Рим клуби 40 миллион евродан камига сотибмоқчи эмас.