"Барселона" ярим ҳимоячиси Серхио Бускетс собиқ жамоадоши Лионель Мессининг уйига ташриф буюрди, деб хабар беради Маrcа. Манбага кўра, Бускетс бир гуруҳ футболчилар билан бирга жамоани тарк этган аргентиналик билан хайрлашиш учун Мессининг уйига келган.
Мессининг уйидаги Бускетсни испан журналистлари суратга олишди. Кўп ўтмай, Серхио ўз твиттерида Мессига мурожаат қилиб, таъсирли хабарни жойлаштирди.
"Мен клуб учун қилган ишинг учун миннатдорлик билдираман. Сен клубга болалигингда келгансан ва ҳозир тарихдаги энг яхши ўйинчисан. Сен клубга муносиб чўққиларни забт этишга ёрдам бердинг. Ўз тарихинг ва жамоангни яратдинг. Мен сен билан 13 мавсум бирга ўйнаганимдан мамнунман", деб ёзган Бускетс.
