8 август куни "Барселона" собиқ ҳужумчиси Лионель Месси "Камп Ноу"даги матбуот анжуманида қатнашади. Бу ҳақида журналист Фабрицио Романо твиттердаги саҳифасида хабар бермоқда.
5 август куни "Барселона" Месси билан шартномани узайтирмаслигини эълон қилди. Бунга Испания чемпионати регламентида кўрсатилган молиявий ва тизимли тўсиқлар сабаб бўлган.
Месси 2003 йилдан бери "Барселона"да ўйнайди. Унинг Каталония клуби билан шартномаси июнь охирида тугайди. Ўтган мавсумда 34 ёшли ҳужумчи Испания Ла лигасида 35 та ўйин ўтказди, 30 та гол урди ва 9 та голли узатмани амалга оширди.
