Бугунги баҳсларни каноэчи қизларимиз бошлаб берди. Жуфтлик йўналишида Нилуфар Зокирова ва Дилноза Раҳматова яримфиналда ўз иштирокларини тугатишди ва умумий ҳисобда 11-поғонадан жой олишди.

Шунингдек, бадиий гимнастика бўйича баҳслар ҳам барчанинг диққат марказида бўлди. Жамоавий баҳслар доирасида юртдошларимиз Ксения Александрова, Камола Ирназарова, Динара Равшанбекова, Севара Сафоева ва Нилуфар Шомуродова умумий рўйхатда 9-ўринни эгаллаб финалга чиқа олишмади.

Замонавий бешкураш доирасида эса Александр Савкин иштирок этиб, якунда 32-поғонадан жой олди.

Бироз олдин енгил атлетиканинг баландликка сакраш тури доирасида яна бир ҳамюртимиз Сафина Садуллаева ҳам ўз иштирокини якунлади.

Қайд этиш керак, кеча Сафина финалга йўл олиб барчамизни хурсанд қилган эди. У бугун ҳал қилувчи босқичда 196 метрни забт этишга муваффақ бўлди. Бироқ бу медалга кифоя қилмади. У якунда 198 метрни афсуски, забт эта олмади.