Ҳужумчи Рафа Мир "Атлетико"га ўтишга яқин турибди.
24 ёшли форвард "Вулверхэмптон"га тегишли. Футболчи ўтган мавсумни "Уэска"да ижара асосида ўтказди ва Ла лиганинг 38 турида 13 та гол уриб, жамоанинг энг яхши тўпурарига айланди.
Токио Олимпиадасида Испания терма жамоасида ўйнайди. У плей-оффда Кот-д'Ивуарга қарши учрашувда хет-трик қайд этди.
"Атлетико" футболчи учун "Севилья" ва бу мавсум Чемпионлар лигасида ўйнайдиган бошқа бир қатор клубларга қарши курашда ғалаба қозонди. "Матрасичилар" ҳужумчи билан 4 йиллик шартнома борасида келишиб олди. Яқин орада ҳужумчининг Мадрид жамоасига ўтиши расман эълон қилиниши кутилмоқда.
