«Бавария» спорт директори Ҳасан Салиҳамиджич аргентиналик ҳужумчи Лионель Мессининг трансфери ҳақидаги саволга жавоб берди.
«Афсуски, Мессини жамоага таклиф қилишнинг имкони йўқ. Биз музокараларга киришмадик. Мессининг трансферини эркин агент сифатида ҳам тасаввур қилиб бўлмайди», – дея Салиҳамиджичнинг сўзларини келтиради Sport1.
5 август куни «Барселона» Месси билан шартномани узайтирмаслигини эълон қилди. Бунга Испания чемпионати регламентида кўрсатилган молиявий ва тизимли тўсиқлар сабаб бўлган.
Месси 2005 йилдан буён «Барселона» асосий таркибида ўйнади. Ўтган мавсумда 34 ёшли ҳужумчи Испания чемпионатида 35 ўйин ўтказди ва 30 гол уриб, 9 голли узатмани амалга оширди.