"ПСЖ"нинг аргентиналик ҳужумчиси Мауро Икарди ёзги трансфер ойнасида "Рома"нинг асосий трансфер мақсадига айланди. Бу ҳақда Gazzetta dello Sport нашри хабар бермоқда.
Римликлар "Интер" билан шартнома борасида келишиб олган Эдин Жекога ўринбосар қидиришмоқда. Шу билан бирга, 28 ёшли Икарди ватандоши Лионель Месси келганидан кейин Париж клубида ўрнини йўқотиши мумкин.
"Бўрилар" Икардидан ташқари, Тэмми Абрахам ("Челси"), Александр Исак ("Реал Сосьедад") ва Сердар Азумун ("Зенит")ни кўриб чиқишмоқда.
Эслатиб ўтамиз, "Рома" бир неча ҳафта олдин ватандошимиз Элдор Шомуродов билан шартнома имзолаган эди.
