ОФКнинг Куала-Лумпурдаги қароргоҳида 14 февраль куни U-22 Осиё чемпионатига қуръа ташлаш маросими бўлиб ўтиши ҳақида хабар берган эдик. Маълумки, бу ёшдаги Ўзбекистон терма жамоасига Алексей Евстафеев мураббийлик қилади.

Қуръа ташлаш жараёнида жамоаларни тақсимлаш 2010 йили Хитойда бўлиб ўтган ёшлар ўртасидаги Осиё чемпионати натижаларига кўра амалга оширилади. Икки йил аввалги мусобақаларнинг финал баҳсларда ҳам, саралаш ўйинларида ҳам иштирок этмаган терма жамоалар (Камбоджа, Қирғизистон, Ливан, Мальдив ороллари, Шри Ланка, Шарқий Тимор, Туркманистон) ҳозирги саралашнинг энг қуйи рейтингли таркибга киритилади.

Қайд этиб ўтиш жоиз, бўлажак мусобақада саралашида иштирок этиш истагини билдирган 39 мамлакат қаторига яқинда Австралия ва Камбоджа ҳам қўшилди. Улар биргаликда Осиё чемпионатининг 15 йўлланмаси учун кураш олиб боришади. Йўлланмалардан 14 таси ўз гуруҳида дастлабки икки ўринни қўлга киритган терма жамоаларга насиб этса, саралаш гуруҳлари орасида энг яхши натижани қайд этган 3-ўриндаги бир жамоа қолган йўлланма эгасига айланади. 16-йўлланма мусобақанинг финал босқичи ўтказиладиган давлатга тақдим этилади. ОФК ҳозирча мусобақа ўтадиган жойни белгилагани йўқ.
Қуръа жараёнида жамоалар Ғарбий ва Шарқий минтақаларга бўлинади. Ғарбий минтақага 23 терма жамоа кирса, қолган 18 терма иккинчи минтақадан ўрин олади. Ўзбекистон терма жамоаси Ғарбий минтақа саралашида иштирок этади. Айни вақтда, рейтингга кўра, Евстафеев жамоаси қуръа жараёнида Ғарбий минтақанинг иккинчи жамоаси сифатида тақсимланади.

Мусобақанинг финал босқичи 2013 йилнинг июнь ойида ўтказилиши кутилмоқда.

Ғарбий минтақа. Рейтинг асосида.