Sport1.de нашри хабарига кўра, "Боруссия Дортмунд" ҳужумчиси Эрлинг Ҳоланд "Бавария" қизиқишлари доирасига тушиб қолган.
«Ҳоланд замонамизнинг энг яхши футболчиларидан бири. Кўплаб йирик клублар Эрлингни жамоасига қўшиб олишни хоҳлашади. Биз ҳам бундан мустасно эмасмиз ва унинг атрофидаги вазиятни кузатмоқдамиз.
Мазкур рўйхатдан "Бавария" четда қолиши мумкин эмас, акс ҳолда биз топ -клуб бўла олмасдик", - деди мюнхенликлар спорт директори Ҳасан Салиҳамиджич.
Эслатиб ўтамиз, Ҳоланднинг "қора-сариқ" лар билан амалдаги шартномаси 2024 йилнинг ёзига қадар тузилган.
2020/2021 йилги мавсумда форвард 40 та учрашув ўтказиб, 40 голни ўз ҳисобига ёзиб қўйган ва 11 та голли узатмани амалга оширди.
21 ёшли норвегиялик 130 миллион еврога баҳоланмоқда.
