Sport1.de nashri xabariga ko‘ra, "Borussiya Dortmund" hujumchisi Erling Holand "Bavariya" qiziqishlari doirasiga tushib qolgan.

«Holand zamonamizning eng yaxshi futbolchilaridan biri. Ko‘plab yirik klublar Erlingni jamoasiga qo‘shib olishni xohlashadi. Biz ham bundan mustasno emasmiz va uning atrofidagi vaziyatni kuzatmoqdamiz.
Mazkur ro‘yxatdan "Bavariya" chetda qolishi mumkin emas, aks holda biz top -klub bo‘la olmasdik", - dedi myunxenliklar sport direktori Hasan Salihamidjich.

Eslatib o‘tamiz, Holandning "qora-sariq" lar bilan amaldagi shartnomasi 2024 yilning yoziga qadar tuzilgan.
2020/2021 yilgi mavsumda forvard 40 ta uchrashuv o‘tkazib, 40 golni o‘z hisobiga yozib qo‘ygan va 11 ta golli uzatmani amalga oshirdi.

21 yoshli norvegiyalik 130 million yevroga baholanmoqda.