"ПСВ" ҳимоячиси Дензел Дюмфрис фаолиятини "Интер"да давом эттириши мумкин, дея хабар беради журналист Николо Скира. Манбанинг хабарига кўра, Милан клуби 25 ёшли голландиялик футболчини "ПСЖ"га ўтган Ашраф Ҳакимининг ўринбосари сифатида кўриб чиқмоқда.
"Интер" Дюмфрис учун 15 миллион евро таклиф қилган, "ПСВ" эса футболчини сотишдан 20 миллион еврога яқин даромад олмоқчи. 2020/21-йилги мавсумда Дюмфрис 41 та ўйинда майдонга
тушиб, 4 та гол ва 9 та голли узатма муаллифи бўлган. Ҳимоячининг "ПСВ" билан амалдаги
шартномаси 2023-йилнинг 30-июнигача мўлжалланган.
