"Спортинг" ярим ҳимоячиси Жоау Палинья фаолиятини Англия Премьер -лигасида давом эттириши мумкин, деб хабар беради A Bola нашри. Маълум бўлишича, футболчига "Тоттенхэм" қизиқиш билдирмоқда.
Ярим ҳимоячининг трансферига шахсан "шпорлар" бош мураббийи Нуну Эшпириту Санту қизиқиш билдирмоқда. Футболчи агент Хорхе Мендеснинг мижози ҳисобланади. Лондонликларнинг устози "Вулверхэмтон"да ишлаган пайтда ҳам, португалиялик футболчиларни тез - тез ўзи бошқарган жамоага олиб келган ва ушбу трансферларда мазкур агентнинг хизматлари катта. Шу сабаб, мазкур трансфернинг амалга ошиш эҳтимоли юқори баҳоланади.
Эслатиб ўтамиз, ўтган мавсумда Палинья ўз жамоаси билан Португалия чемпионига айланган эди.
