Москванинг "Динамо" клуби ярим ҳимоячиси Арсен Захарян жамоани тарк этиб, Англия ёки Германия чемпионатига ўтиши мумкин.
SE нашри хабарига кўра, Лондоннинг "Челси" ва Германиянинг "Лейпциг" клублари 18 ёшли россиялик вингернинг хизматларига қизиқиш билдирмоқда. Қайд этилишича, Арсеннинг шартномасида 12 миллион евро миқдоридаги товон пули белгиланган бўлиб, у фақат чет эл клублари учун мавжуд.
Шу билан бирга, келаси ёзда бу сумма 15 миллион еврогача кўтарилади.
Захаряннинг "Динамо" билан амалдаги шартномаси 2024 йилда тугайди ва бошланғич мавсумда футболчи РПЛда учта ўйин ўтказиб, битта гол урди.
