Cadena Ser нашри хабарига кўра, Мадриднинг "Реал" клуби 22 ёшли француз футболчиси Килиан Мбаппенинг трансфери учун 120 миллион евро таклиф қилмоқчи.
Маълум бўлишича, парижликлар футболчини қўйиб юбормоқчи эмас ва у билан шартномани узайтириш ниятида, бироқ Мбаппе клуб билан янги шартнома имзолашга шошмаяпти. Агар Килиан "ПСЖ" билан шартномани узайтирмаса, бир йилдан сўнг "Реал" уни текинга қўлга киритиши мумкин.
Ўтган мавсумда Лига 1 мусобақасида Мбаппе 31 та ўйин ўтказиб, 27 та гол ва 7 та голли узатмани амалга оширган.
