Бугун Европа Лигасининг 1/16 финал дастлабки учрашуви бўлиб ўтди. Қозоннинг Рубин клуби Москвадаги "Лужники" стадионида Грециянинг "Олимпиакос" клубини қабул қилди.

Учрашув тақдири ни ягона гол ҳал қилди. 71-дақиқада меҳмонлар вакили Фустер томонидан киритилган гол юнонларга ғалаба келтирди ва улар жавоб ўйини олдидан кейинги босқичга чиқиш учун жуда яхши имконият ҳосил қилишди.

Учрашувда "Рубин" ҳисобни тенглаштириши ҳам мумкин эди. Голдан бир дақиқа ўтар-ўтмас ҳакам "Олимпиакос" дарвозаси томон пенальти белгилади. Пенальтига сабабчи бўлган дарвозабон ҳам майдондан четлатилганди, бироқ Натхо пенальтини аниқ амалга ошира олмаган бўлса, қолган дақиқаларда 10 киши бўлиб қолган юнонларни бошқа "Рубин" футболчилари жазолай олишмади.

Европа Лигаси
1/16 финал
Дастлабки учрашув

РУБИН (Россия) – ОЛИМПИАКОС (Греция) – 0:1 (0:0)
Гол: Фустер (71).

РУБИН: Арлаускис, Боккетти, Шаронов, Навас, Кузьмин, Немов, Натхо, Рязанцев (Касаев, 83), Карадениз, Дядюн (Ансальди, 46), Вальдес (Мартинс, 81).

ОЛИМПИАКОС: Медьери, Маркано, Маньятис, Мельберг (Папацоглу, 33), Торосидис, Орбаис, Холебас, Фустер (Кэрролл, 74), Макун, Миральяс, Джеббур (Модесто, 81).

Огоҳлантиришлар: Карадениз (19), Миральяс (56), Папацоглу (66), Натхо (69), Макун (74).
Четлатиш: Медьери (72).