Донецкнинг "Шахтёр" клуби ўнг қанот ҳимоячиси Додо фаолиятини Англия Премьер-лигасида давом эттириши мумкин.
Globo Esporte нашри хабарига кўра, Лондоннинг "Тоттенхэм" клуби 22 ёшли футболчини сотиб олмоқчи.
"Шпорлар" бразилиялик футболчини 20 миллион еврога трансфер қилиш таклифини илгари сурган, бироқ украин клубидан рад жавобини олган. Бунга сабаб, лондонликларнинг кам сумма таклиф қилгани.
Янги мавсумда Додо "Шахтёр" сафида 5 та ўйин ўтказди ва 1 та голли узатмани амалга оширди. Унинг клуб билан шартномаси 2025 йилгача тузилган.