«Aждарлар» Суперлиганинг 15-турида Олмалиққа сафар қилади. Ушбу баҳс 15 август куни Олмалиқда бўлиб ўтади. Беллашув соат 20:00 да бошланади.

Ушбу жамоалар ўртасидаги бахслар сўнги йилларда айниқса кескин курашлар остида кечмоқда. Жамоаларнинг биринчи даврадаги қарама-қаршилиги гарчанд дуранг ҳисобда якунланган бўлса-да, лекин учрашувдаи юқори “ҳарорат” футбол ихлосмандларида илиқ таъсурот қолдирган эди.

Ўзаро учрашувлар тарихидан

Жамоалар Ўзбекистон чемпионатида шу вақтга қадар 29 бор куч синашишган. Бўлиб ўтган 14 учрашувда «аждарлар», 5 ўйинда эса «кончилар» зафар қучишган. 10 учрашувда эса дуранг натижа қайд этилган.

Тўплар нисбати 45:26 га тенг. Устунлик қаршиликлар тарафида.

Ўзаро учрашувларда қайд этилган энг юқори ҳисоблар қуйидагича: «Насаф» – AГМК 4:0, AГМК – «Насаф» 2:0.

Жамоалар сўнгги ўзаро учрашувни 2021 йили 14 март куни Қаршида ўтказган. Бу учрашувда 1:1 ҳисоби қайд этилган.

Эътиборингизга, жамоалар иштирокидаги сўнгги беш учрашувнинг натижаларини ҳавола қиламиз:

14.03.2021 Насаф –   AГМК 1:1
21.10.2020 Насаф –   AГМК 2:0
02.07.2020 AГМК — Насаф 2:1
30.09.2019 AГМК — Насаф 2:1
26.04.2019 Насаф — AГМК 4:0