"Милан" ярим ҳимоячиси Кларенс Зеедорф Чемпионлар Лигаси 1/8 финали доирасида бўлиб ўтадиган "Арсенал"га қарши учрашув олдидан рақибга ҳурмат билан муносабатда бўлиш кераклигини таъкидлади.
"Арсенал" қандай ўйин намойиш этишини олдиндан айтиб бўлмайдиган жамоалардан бири ҳисобланади. Агар уларнинг бу мавсумдаги ўйинларига назар ташласангиз, улар "Челси"дек кучли жамоани 5:3 ҳисобида мағлуб қилганларини, бироқ ундан кучсизроқ клубларга мағлуб бўлганини ҳам гувоҳи бўлишингиз мумкин".
"Биз "Арсенал"га ҳурмат билан қараймиз. Чунки бу жамоа исталган рақибни енгиши мумкин. Менимча бизни жудаям қизиқарли томоша кутиб турибди. Аслида "Арсенал" ҳозиргидан кўра кўпроқ ўйинда ғалаба қозониши мумкин эди. Лекин, нима бўлган тақдирда ҳам Венгер буюк мураббий бўлиб қолаверади".
"Франциялик мутахассиснинг ягона камчилиги шуки, у тажриба ва ёшлик кучини уйғунлаштира олмапти", - деди голландиялик футболчи.