«Реал» «Арсенал»га ўтишга яқин турган яримҳимоячи Мартин Эдегорнинг нархини туширишга тайёр, деб хабар беради ABC Sport.
Маълум бўлишича, олдинроқ «қаймоқранглилар» футболчи учун 40 миллион евро олмоқчи бўлган, ҳозир эса уни атиги 30 миллион эвазига ҳам қўйиб юборишга тайёр.
«Канонирлар»нинг бу суммани тўлашга қурби етади ва ҳозирда томонлар ўртасидаги музокаралар юқори босқичда. Футболчининг ўзи ҳам клубни ўзгартиришга қизиқмоқда, чунки у «Реал»нинг Ла Лига янги мавсуми учун аризасига киритилмаган.
Эслатиб ўтамиз, Эдегор 2015 йилда «Реал» футболчисига айланганди. У ўтган мавсумнинг иккинчи қисмини «Арсенал»да ижарада ўтказди.
