«Вэст Хем» дарвозабони Даррен Рандолф ўз расмий саҳифасида Жесси Лингардни «МЮ»ни тарк этиб, тезроқ яна Лондонга қайтишга чақирди. Линагрд ўтган мавсум ярмини «болғачилар» таркибида ажойиб ўтказганди.
У 19 учрашувда 9 та гол уришга муваффақ бўлган. Шу сабаб Лондон клуби уни доимий равишда олиб қолмоқчи. Аммо «МЮ» футболчиси учун ўта баланд, 35 миллион фунт сўраган. Жесси ОАВга «Вэст Хем»га қайтишга умид қилишини айтиб ўтган.