"Манчестер Юнайтед" ҳужумчиси Амад Диалло "Шеффилд Юнайтед"га ижарага ўтиши мумкин, деб хабар беради talkSPORT нашри. Маълум бўлишича, яқин орада клублар трансферни муҳокама қилишлари мумкин.
Манбага кўра, манкунианликлар ёш футболчини ўйин амалиёти учун ижарага беришга қарши эмаслар ва "Шеффилд" раҳбарияти трансфер ойнаси ёпилишидан олдин битимни якунлашга умид қилмоқда.
Эслатиб ўтамиз, Диалло 21 миллион евро эвазига "Аталанта"дан "Манчестер Юнайтед"га ўтганди. "Манчестер Юнайтед"нинг асосий таркибида у саккизта ўйинда майдонга тушиб, битта гол ва битта голли узатмани амалга оширган.