"Ювентус" ва "Сассуоло" клублари ярим ҳимоячи Мануэль Локателли трансфери борасида келишиб олишди.
"Бьянконерилар" 23 ёшли футболчини сотиб олиш шарти билан 2 йилга ижарага олмоқчилар. Бу ҳақида журналист Жанлука ди Марцио хабар бермоқда.
Инсидер Фабрицио Романо аниқлик киритишича, италияликнинг шартномаси 2026 йилгача амал қилади.
Томонлар ҳозирда барча расмиятчиликларни имкон қадар тезроқ якунлаш ва Локателли тиббий кўригидан ўтишини таъминлаш устида ишламоқда.