Ярим ҳимоячи Хамес Родригес "Эвертон" раҳбариятига ёзги мавсумда жамоани тарк этишини айтди.
Marca нашрининг таъкидлашича, колумбиялик плеймейкернинг навбатдаги клуби ўтган ёзда сотиб олмоқчи бўлган "Атлетико Мадрид" бўлиши мумкин.
Манбанинг таъкидлашича, мерсисайдликлар клуби Хамесни сотишга қарши эмас. Колумбияликни сотиб олиш ғояси клубнинг собиқ бош мураббийи Карло Анчелотти эди. Бироқ, мутачассиснинг ўзи Мадриднинг бошқа клуби "Реал"га устоз бўлди. Шу сабаб Родригес жамоадан кетишни истамоқда.
Эслатиб ўтамиз, Премьер-лигадаги дебют мавсумида Хамес 23 та ўйинда майдонга тушиб, 6 та гол ва 4 та голли узатмани амалга оширган.
