«Барселона» клуби ўз футблчиси Серхи Роберто билан янги шартнома имзоламоқчи. «Sport» нашрининг хабар беришича, клуб ўйинчисини сақлаб қолиш бўйича музокараларга киришган.

Яримҳимоячининг амалдаги шартномаси кейинги ёзгача мўлжалланган ва ҳозир яна икки йиллик битим тузилиши кутилмоқда. Янги келишувда футболчи маоши кескин қисқартирилади.

Клуб молиявий қийинчиликлар туфайли футболчилари билан маошлар масаласида турли муаммоларга дуч келмоқда. Робертога шунингдек, бир нечта клублар, жумладан Пеп Гвардиола жамоаси қизиқиш билдирган.