«Шоҳ-шоҳ дейсизлар, биз шоҳларга ҳам осон эмас», деган эди Иван Грозний Марфушага. Мураббийларга ҳам осон эмас.
Ла Лига вакили Хихоннинг “Спортинг” клуби янги бош мураббийи Хавьер Клементе асосий мақсади клубини чиройли футбол ўйнатиш эмас, лигада қолиш эканлигини очиқ ойдин айтди.
Клуб ўйинлари кўнгилдагидек бўлмагани боис бош мураббий Маноло Пресиадонинг паттаси қўлига тутқизилганди. Унинг ўрнига клубга келтирилган Клементе илк матбуот анжуманидаёқ асл мақсадини баён этди. «Ғалаба қозониш учун мухлисларга ёқадиган чиройли ўйнаш ҳақида ўйламаяпман. Футболда энг яхши гўзаллик ғалаба қозонишдир. Вақтимни чиройли футболга сарфлаш ниятим йўқ. Ғалаба қозонсак бўлди, бошқаси ҳақида ҳисобот бериб ўтирмайман» деди.
