"Манчестер Сити" "Тоттенхэм" ҳужумчиси Харри Кейннинг ўрнига "Фиорентина" футболчиси Душан Влаҳовични сотиб олишга қарор қилди.
Gazzetta dello Sport нашри хабарига кўра, "шаҳарликлар" 21 ёшли сербиялик ҳужумчининг трансфери учун "бинафшаранглилар"га 80 миллион евро тўлашга тайёр. Қолаверса, "Сити" Душан билан узоқ муддатли шартнома шартларини келишиб олишган.
Бундан ташқари, Манчестер клуби раҳбарияти футболчининг агенти Дарко Ристичга 7 миллион евролик зарур комиссияни тўлашга рози бўлди.
Эслатиб ўтамиз, ўтган мавсумда Влаҳович барча турнирларда 40 та ўйинда 21 та гол урди. Шунингдек, футболчининг хизматларига "Атлетико" ва "Тоттенхэм" ҳам қизиқиш билдирмоқда.
