"Реал" ярим ҳимоячиси Лука Модрич Ла Лиганинг 2-туридаги "Леванте"га қарши ўйинда жароҳат сабаб жамоага ёрдам бермайди, деб ёзади Marca нашри.
Манбанинг хабарига кўра, хорватнинг 20 августдаги машғулот чоғида бўғим мушаклари
шикастланган. Жароҳат туфайли у ўйинни ўтказиб юборади.
Эртага, 21 август куни 35 ёшли ярим ҳимоячи жароҳатининг аниқ диагнозини аниқлаш учун қўшимча текширувлардан ўтади.
"Леванте" - "Реал Мадрид" учрашуви 22 август, якшанба куни "Валенсия" стадионида бўлиб ўтади. Бошланиш вақти - Тошкент вақти билан 01:00.
